नातं

नात्याला ह्या काय नाव देऊ
तुझी रीत कळेना तुझी प्रीत कळेना
कसे  ओतू भाव कुंचल्यात
तुझा रंग कळेना तुझा ढंग कळेना

कसे उलगडू पदर मनाचे
तुझ्या मनीचा तळ गवसेणा
कृष्णविवरात हे एकले जगणे
किरण पोचेना  भाव उमगेणा

तू यावे वेळी अवेळी
मिठीत मी विरघळावे
वाराही निश्चल तुजवाचून
चाहुलीने त्यासही गीत सुचावे

एकांत माझा हा जीवघेणा
तुझ्या स्वप्नांनी मन डोलावे
स्वप्न वृथा जरी , आठवणीने तुझ्या
ओसाड जीवनात जल बरसावे