अद्वैत

कसे होईल व्यक्त , अव्यक्त हे मन
धुरकटले अवकाश , क्षितीज दिसेना

आवाज आतला , कृष्ण -विवर झाला
प्रकाशाची तिरीप , काळा डोह झाला

साद माझीच मला  , ऐकू येईना येईना
गुरफटले  मन भोवऱ्यात , निसटली साद

उंडारले माझे  मन , वाटा धुसर झाल्या
झाले तुकडे तुकडे , सापडेना कवडसा

कसा तोडू पाश , पाहू  पल्याड पल्याड
हिरव्या रानात रानात  , निळ्या आकाशात

दे आभाळमाया , दे पावसाची साथ
व्हावे मन चिंब , अद्वैताच्या शोधात