भ्रम

मैत्री , नाती असं नसतंच काही मुळी
असतात ते स्वार्थ अदृष्य  , अव्यक्त

या स्वार्थाशी करावी लागते हातमिळवणी
कळत तर कधी नकळत

स्वार्थ बदलत असतात चेहरे
मुखवटे ओळखण्याचं कसब हवं

न जाणले स्वतःस तू पुरते
नको ओरखडे , अव्यक्त असावं

क्षितिजाशी गुज करावं
नभ आणि सागराची रेष व्हावं

निस्वार्थ वैगरे भ्रम आहेत
आपणच जोपासलेले , स्वार्थासाठी

मुक्त झऱ्यासारखं व्हावं
मुक्त आभाळा कवेत घ्यावं