खुणा

काही तुकडे आठवणीचे 

अस्वस्थ करतात . ...  

काही तुकडे आठवणीतून

वजा करावेसे वाटतात 

तरीही ते आवश्यक वाटतात 

जगण्याचे भान देण्यासाठी 

ते आवश्यक वाटतात  ... 

माझ्या असण्याच्या जाणिवेसाठी 

वेदना विरतील,  व्रण उरतील 

आता क्लेशही  होणार नाही कारण , 

हे माझ्याच स्वभावाचे बक्षिस आहे 

माझ्याकडूनच मला मिळालेले 

 तेच  उर्मी देतात भविष्याची 

नाहीतर संगती लागणार नाही 

त्यात लपलेल्या अर्थाची ,

धुक्यातून ओझरणाऱ्या प्रकाशाची . 

मनात उमटणाऱ्या तरंगांची 

भविष्यातील  सुप्त आशांची 

गूढ ,अगम्य  संकेतांची 

आडवळणाच्या  पाऊलवाटेवरील खुणांची .