जीवन

जीवनाचे पैलू अनेक
का कोषात तू गुंतला
जीवनाचे रंग विविध
का रंगहीन तू राहिला

जीवन एक मुक्त हवा
जीवन इंद्रधनुषी छटा
घे आस्वाद हर रंगाचा
घे आनंद सृजनतेचा

पहा जग पलीकडे
ने उंचीवर स्वतःला
उकल जीवनाचे सत्य
दे सराव मनाला

नाही सकल पुस्तकात
नाही छोट्या परिघात
विश्व आहे अनंत अफाट
नाही  मावणारं अंगणात

ये बाहेर , तोड बेड्या
मनास स्वतःच बांधलेल्या
निसर्गाला घे समजून
सूत्र त्याचे घे समजून