स्नेहपूर्ण संख्या

            Amicable या शब्दाचा शब्दश : अर्थ मैत्रीपूर्ण , स्नेहपूर्ण , मैत्रीचा करार असा आहे . या अर्थाचा तत्व पाळणाऱ्या काही संख्यांच्या जोड्याही असतात . या संख्यांना फक्त एकमेकाचे योग्य विभाजाक स्वीकारार्ह  असतात . जणूकाही "एक दुजे के लिये " बनलेल्या . दोघात एक अलिखित करार झाल्यासारख्या .

              a आणि b दोन संख्या घेतल्या तर , a  च्या योग्य विभाजाकांची  बेरीज b एवढी असते . b  च्या योग्य विभाजाकांची बेरीज a एवढी असते . (एखाद्या धन पूर्ण संख्येचे ती संख्या सोडून इतर विभाजक म्हणजे योग्य विभाजक ) अशा संख्यांना Amicable  numbers म्हणतात .

             उदा . a =२२० , b =२८४
            a चे योग्य विभाजक - १,२,४,५,१०,११,२०,२२,४४,५५,११०  यांची बेरीज येते -२८४
            b चे योग्य विभाजक-  १,२,४,७१,१४२                                 यांची बेरीज येते -२२०

          (२२०,२८४) हि जोडी या संख्यांमधील सर्वात लहान जोडी आहे .

           या स्नेहपूर्ण संख्यामधील विभाजाकांनी जोडलेले नातं पाहिलं कि सहजपणे कविता स्फुरते .

            माझ्या विभाजाकांचे
            पूर्णत्व तू  रे
            तुझ्या  अवयवांची
            गोळाबेरीज मी   रे

            हा करार स्नेहपूर्ण
            हे नातं  मैत्रीपूर्ण
            तुजवाचून सर्व
            अपूर्ण, अर्थहिन  रे